[1]Ամերիկայի Հայ դատի գրասենյակը կոչ է անում նախագահ Բարաք Օբամային և Կոնգրեսին՝ ճնշում գործադրել Թուրքիայի վրա՝ թուրք-սիրիական սահմանին գտնվող Քեսաբ քաղաքի վրա ծայրահեղ իսլամիստների հարձակումներին աջակցությունը դադարեցնելու համար:
Հիշեցնենք, այս հարձակումների պատճառով հիմնականում հայերով բնակեցված Քեսաբի բնակչությունը անցած շաբաթավերջին ստիպված էր եղել հեռանալ և ապաստան գտնել մոտակա Լաթաքիա քաղաքում:
ԱՄՆ-ի նախագահին ուղղված նամակում Ամերիկայի Հայ դատի հանձնախմբի ատենապետ Քեն Խաչիկյանը կոչ է արել Օբամային հանձնարարել Պետդեպարտամենտին, Թուրքիայում ԱՄՆ-ի դեսպանին և ՄԱԿ-ում ԱՄՆ-ի ներկայացուցչին պահանջել Թուրքիայից կասեցնել Քեսաբի վրա սահմանի հարձակումները, որոնք հանգեցրել են խաղաղ բնակչության տարհանմանը, նրանց ունեցվածքի թալանին և եկեղեցիների պղծմանը:
azatutyun.am