Ամփոփելով անցյալ տարի Երեւանում եւ Բաքվում տեղի ունեցած հանդիպումների արդյունքները` Սոցինտերնի ԱՊՀ, Կովկասի եւ Սեւծովյան տարածաշրջանի հանձնախումբը հերթական հանդիպումն անցկացրել է այս տարվա մայիսի 2-3-ը Ալմաթիում (Ղազախստան): Հանդիպման հիմնական թեմաներն են`
1. ԱՊՀ երկրներում ժողովրդավարության զարգացումը եւ խոսքի ազատության ապահովումը:
2. Կենտրանական Ասիայում սոցիալ-դեմոկրատական զարգացման հիման վրա ապագայի ծրագրի մշակումը:
3. Խաղաղություն եւ անվտանգություն. փոխըմբռնման մթնոլորտի ձեւավորումը եւ տարածաշրջանային հակամարտությունների խաղաղ կարգավորումը:
Միջոցառման մասնակիցները զեկույցներ են ներկայացրել իրենց երկրներում առկա անվտանգության խնդիրների եւ այլ հրատապ հարցերի վերաբերյալ, օրինակ` Բելառուսում առկա իրավիճակը, որը շարունակում է մնալ ճգնաժամային:
Հանդիպումը վարել է «Ազատ» սոցիալ-դեմոկրատական կուսակցությունը:
Հանդիպմանը ՀՅԴ-ից մասնակցել են ՀՅԴ Բյուրոյի անդամ Մարիո Նալպանդյանը, Մոսկվայի Հայ Դատի գրասենյակի պատասխանատու Յուրի Նավոյանը և ՀՅԴ Բյուրոյի քաղաքական հարցերի և Հայ Դատի գրասենյակի պատասխանատու Կիրո Մանոյանը: