ԱԺ ՀՅԴ խմբակցության ղեկավար Արմեն Ռուստամյանը Հայաստան ժամանած ԵԽԽՎ համազեկուցողներ Աքսել Ֆիշերի ու Ալան Միլի հետ հանդիպումից հետո «Առաջին լրատվական»-ի հետ զրույցում նշեց, որ նրանց հետաքրքրել են սահմանադրական փոփոխությունների հետ կապված հարցերը: Համազեկուցողներն ավելի շատ հարցրել են, թե ի՞նչ փոփոխություններ են նախատեսվում, և այդ փոփոխությունների նկատմամբ ի՞նչ դիրքորոշումներ ունեն կուսակցությունները:
Քննարկվել են նաև Ղարաբաղի հիմնախնդրի հետ կապված հարցեր, ինչպեսև Հայաստանի եվրաինտեգրման ու Եվրասիական տնտեսական միությանը միանալուն առնչվող դիրքորոշումները:
Արմեն Ռուստամյանի խոսքով՝ համազեկուցողները չեն բարձրացրել Մարտի 1-ի հետ կապված հարցեր, փոխարենը հետաքրքրվել են ինչ-որ 15 քաղբանտարկյալների մասին:
Համազեկուցողները, սակայն, չեն հայտնել նրանց անունները, Արմեն Ռուստամյանն ինքն էլ չգիտեր, թե նրանք ում են նկատի ունեցել:
Համազեկուցողներին քաղբանտարկյալների մասին տեղեկություններ տվել են այն հասարակական կազմակերպությունները, որոնց հետ երեկ նրանք հանդիպել են:
1in.am