[1]Ուրուգվայի ամենահայտնի ակումբներից մեկի՝ «Պենյարոլ»-ի հավանական նախագահներից բոլորը հայտարարել են, որ երբևէ ակումբը չի ընդունի ադրբեջանի հովանավորչությունը:
Ինչպես հաղորդում է «Արմենպրես»-ը՝ վկայակոչելով prensaarmenia.com.ar-ը, դեկտեմբերի 14-ին կայանալու են ակումբի նախագահի ընտրությունները, որին մասնակցում են Խուան Պեդրո Դոմիանին, Էդգար Վելկերը, Մարսելո Արեկոն, Ռիկարդո Ռակետին և Իգնասիո Ռուգիլոն:
Ըստ աղբյուրի՝ նրանք Ուրուգվայի Հայ դատի հանձնախմբի ներկայացուցիչներին վստահեցրել են, երբեք չեն ընդունի Ադրբեջանի միջոցները՝ հակահայ գործունեությանը մասնակցելու համար:
Հիշեցվել է, որ մի քանի ամիս առաջ ադրբեջանական կողմն արգենտինական «Սա Լորենցո»–ին առաջարկել էին հովանավորչություն, որպեսզի ակումբը մարզաշապիկների վրա տեղադրի հակահայ գրառում, սակայն ստացել էին մերժողական պատասխան: «Պենյարոլ»-ի գործող նախագահ Պեդրո Դամիանին ընդգծել է, որ ինքը ևս կհետևի արգենտինական ակումբի որոշմանը:
Ընդհանրապես, ուրուգվայական ակումբի նախագահի բոլոր թեկնածուներն ընդգծել են, որ նման խտրական վերաբերմունք և առաջարկ երբեք ընդունելի չի լինի իրենց համար:
armenpress.am