[1]Պրազիլի դաշնակցային Ծերակոյտը 3 յունիսին վաւերացուց Հայոց ցեղասպանութիւնը ճանչցող բանաձեւ:
Թիւ 550/2015 բանաձեւը ներկայացուած էր ծերակուտականներ Ալիոզիօ Նունեզ Ֆերէյրա Ֆիլոյի եւ Հոզէ Սերայի կողմէ: Հոն միաժամանակ կոչ կ՛ըլլայ Հայաստանի հետ յարաբերութիւնները սերտացնելու:
Բանաձեւը ներկայացուցած ծերակուտականները նաեւ կոչ ուղղած են Թուրքիոյ, որ ճանչնայ Հայոց ցեղասպանութիւնը եւ շինիչ երկխօսութեան սկսի Հայաստանի իշխանութեանց հետ:
Պրազիլի Հայ դատի յանձնախումբէն Ճէյմս Օննիկ Թամաճեան ողջունեց բանաձեւին վաւերացումը, որ կը համընկնի Հայոց ցեղասպանութեան 100-ամեակին:
aztagdaily.com