Ֆրանսահայ կազմակերպությունների համակարգող խորհուրդը (CCAF) հունվարի 12-ին, հաղորդագություն-նամակով, ահազանգ է հնչեցրել, առաջիկա օրերին, Եվրոպայի խորհրդի կողմից, Արցախի խնդրով ադրբեջանամետ բանաձևի քվեարկության հավանականության վերաբերյալ:
Ըստ CCAF-ի՝ եվրոպական այդ կառույցը թուրքական և ադրբեջանական լոբիի հզոր ազդեցության տակ է և, մարդու իրավունքները անտեսելով, նախընտրում է նավթն ու աշխարհառազմավարական շահերը::
Մուրադ Փափազյան
Այս առթիվ CCAF-ի համանախագահներ Մուրադ Փափազյանը (ՀՅԴ Բյուրոյի անդամ) և Արա Թորանյանը նամակ են պատրաստել՝ուղղված եվրոպացի բոլոր պատգամավորներին
Արա Թորանյան
Նամակում ասվում է, որ Եվրախորհրդի Խորհրդարանական վեհաժողովի (ԵԽԽՎ)հունվարի 26-ի նիստի օրակարգում ընդգրկված է բրիտանացի պատգամավոր Ռոբերտ Ուոլթերի՝ բացահայտորեն կողմնակալ բանաձևի քննարկումը, որը վերաբերում է Լեռնային Ղարաբաղի իրավիճակին: Ըստ CCAF-ի եթե այդ բանաձևն ընդունվի, մի կողմից լրջորեն կվտանգվեն հակամարտության լուծման հնարավորությունները մյուս կողմից, հարցականի տակ կդրվի անաչառության հարցը եվրոպական այս կառույցի, որի պարտականությունն է պաշտպանել և տարածել ժողովրդավարական արժեքները:
Մարդու իրավունքների ոտնահարման և շրջանի խաղաղությանը սպառնացողԱդրբեջանի և Թուրքիայի քաղաքականության տարբեր դրսեւորումների թվարկումից հետո, նշվում է, որ այս մտահոգությունները, արտահայտված չեն, Ուոլթերի բանաձևում, որը զլացել է գոնե մեկ անգամ հիշատակել «ինքնավարության իրավունքը»:
CCAF-ի համանախագահները եվրոպացի պատգամավորներին հիշեցրել են նաև, որ Ուոլթերը Մեծ Բրիտանիայի խորհրդարանում Ադրբեջանի հետ բարեկամության խմբի անդամ է եղել, ինչպես և Անկարայի կողմից, անցյալ մայիսին նրան շնորհվել է Թուրքիայի քաղաքացիություն:
Նամակի վերջում կոչ է արվում Եվրախորհրդի բոլոր պատգամավորներին, զերծ մնալ նման մի խաղից, որը որքան գռեհիկ, նույնքան էլ անբարո է:
1in.am