[1]ՀՀ տարածքային կառավարման և զարգացման նախարար Դավիթ Լոքյանն հոկտեմբերի 6-ին հանրապետության մարզպետների մասնակցությամբ խորհրդակցություն է անցկացրել:
Խորհրդակցության ընթացքում քննարկվել են ՀՀ մարզերի 2017-2025թթ. զարգացման ռազմավարությունների և համայնքների 5-ամյա զարգացման ծրագրերի մշակման աշխատանքների կազմակերպմանը վերաբերող հարցեր:
Օրակարգային մյուս հարցերը վերաբերում էին համայնքների սեփական եկամուտների հավաքագրման ընթացքին, ինչպես նաև տեղական ինքնակառավարման նորընտիր մարմինների բնականոն աշխատանքի ապահովմանը:
ՀՀ տարածքային կառավարման և զարգացման նախարարություն