[1]
ՀՅԴ Ամերիկայի Հայ դատի հանձնախումբը ողջունել է կոնգրեսական Էդ Ռոյսի` ԱՄՆ-ի Կոնգրեսի Ներկայացուցիչների պալատի Արտաքին հարաբերությունների հանձնաժողովի նախագահի պաշտոնին նշանակվելը:
Հայանպաստ գործիչ Էդ Ռոյսն իր լիազորությունները կստանձնի 2013 թվականի հունվարից: 
[2]
Կոնգրեսական Ռոյսը մարդու իրավունքների պաշտպանության ջատագով է և Ներկայացուցիչների պալատում մշտապես անդրադարձել է հայերի համար կենսական խնդիրներին, այդ թվում` Լեռնային Ղարաբաղի հիմնահարցին և Հայոց ցեղասպանությանը:
Ինչպես նշել է Քեն Խաչիկյանը՝ որպես Ներկայացուցիչների պալատի Արտաքին հարաբերությունների հանձնաժողովի անդամ` հանրապետական Ռոյսը մարդու հիմնարար իրավունքների մեծ պաշտպան էր և իր մտահոգություններն էր հայտնում Ցեղասպանության հետեւանքով Թուրքիայի կողմից բռնազավթված եկեղեցիների ու քրիստոնեական համայնքի ունեցվածքի վերադարձի օգտին: