Հուլիսի 7-ին ՀՅԴ Բյուրոյի ներկայացուցիչ Հրանտ Մարգարյանն եւ ՀՅԴ Բյուրոյի քաղաքական ներկայացուցիչ Արմեն Ռուստամյանը հանդիպում են ունեցել ՀՅԴ Կենտրոնական Կոմիտեի եւ ԱԺ «Դաշնակցություն» խմբակցության ներկայացուցիչների հետ։
Քննարկվել են Արցախի անվտանգության հետ կապված՝ ինչպես նաեւ հանրապետության ներքին ու արտաքին քաղաքականությանը վերաբերող հարցեր։
Ընկերներին տեղեկություններ են փոխանցվել ԱՀ նախագահ Բակո Սահակյանի հետ տեղի ունեցած հանդիպման մանրամասներից։
Հանդիպման ընթացքում քննարկվել են նաեւ ՀՅԴ Արցախի կառույցի անելիքները եւ դերակատարության ապահովումը ներքին միասնության պահպանման ուղղությամբ։