Նիկոլ Փաշինյանը հոկտեմբերի 16-ին հրաժարական տվեց Հայաստանի վարչապետի պաշտոնից: Ավելի վաղ նա և «Բարգավաճ Հայաստան» կուսակցության նախագահ Գագիկ Ծառուկյանը ստորագրել էին հուշագիր, ըստ որի՝ դեկտեմբերին արտահերթ խորհրդարանական ընտրությունների կազմակերպմանը և Ազգային ժողովի արձակմանը հասնելու նպատակով վարչապետի հրաժարականի դեպքում «Ծառուկյան» դաշինքը պարտավորվում է վարչապետի թեկնածու չառաջադրել, չաջակցել վարչապետի որևէ թեկնածուի:
ՀՅ Դաշնակցությունը, թեև նախապես ազդարարել էր, որ դեկտեմբերին ԱԺ արտահերթ ընտրություններ անցկացնելու հուշագիր ստորագրելու հարց իրենց օրակարգում չկա, այնուամենայնիվ, նույնպես մտադիր չէ թեկնածու առաջադրել:
«Ազատության» «Տեսակետների խաչմերուկ» հաղորդաշարի հյուրերը այս երկու խորհրդարանական կուսակցությունների ներկայացուցիչներն են՝ ՀՅԴ խմբակցության պատգամավոր Ռուզաննա Առաքելյանը և «Ծառուկյան» խմբակցության պատգամավոր Գևորգ Պետրոսյանը:
