24 դեկտեմբերին Հայաստանի նախագահ Սերժ Սարգսեան Նոր տարուան եւ Ս. Ծննդեան առիթով շնորհաւորական ուղերձ յղեց լիբանանահայ երեք օրաթերթերուն` «Ազդակ»-ին, «Արարատ»-ին եւ «Զարթօնք»-ին: Շնորհաւորական ուղերձներէն բացի օրաթերթերը արժանացան նաեւ նախագահական նիւթական պարգեւներու: Նմանօրինակ վերաբերմունքի արժանացան նաեւ «Թռչնոց բոյն»-ն ու «Զուարթնոց» կեդրոնը: Լիբանանի մէջ Հայաստանի Հանրապետութեան արտակարգ եւ լիազօր դեսպան Աշոտ Քոչարեան անձամբ այցելեց երեք օրաթերթերու խմբագրատուներն ու ընկերային կեդրոնները` յանձնելու Հանրապետութեան նախագահին ուղերձներն ու նիւթական պարգեւները:(Այս գծով դեսպանատան հաղորդագրութիւնը www.aztagdaily.com/archives/166804
Ստորեւ` նախագահ Սարգսեանի շնորհաւորական ուղերձին պատճէնը:
