Ցավալի է, որ բյուջեի քննարկման ժամանակ կառավարության ներկայացուցիչները սակավաթիվ են, ինչը խորհրդարանին մտածելու տեղիք պետք է տա. 2016-ի բյուջեի նախագծի վերաբերյալ ելույթում ասաց ՀՅԴ խմբակցության քարտուղար Աղվան Վարդանյանը:
Ըստ նրա` իրենք նախորդ քննարկումների ժամանակ էլ են իրենց գնահատականները տվել եկող տարվա բյուջեին: «Եկող տարվա բյուջեն նախորդ տարվա բյուջեն կրկնում է: Շատ համեստ, բացասական առումով աչքի ընկնող է, որը որևէ դրական զարգացում չի նախատեսում: Ընթացիկ ծախսերի և կապիտալ ծախսերի հարաբերակցությունը միայն, որի դեպքում 91 տոկոսը 9-ի հարաբերվում, արդեն ամեն ինչ ասում է: Կան աշխարհաքաղաքական օբյեկտիվ իրողություններ, չենք կարող դրանք շրջանցել, բայց հարց է` ո՞ր մասն է կազմում դա, իսկ որ մասն է կառավարության անարդյունավետության, մեր ներքին ռեսուրսների անարդյունավետ օգտագործելու արդյունքը»,- ասաց ՀՅԴ-ականը` հավելելով, որ հենց այս հարցերը պետք է հետաքրքրեն կառավարությանն ու խորհրդարանին:
Վարդանյանը նշեց, որ մտահոգիչ է արտաքին պարտքի շարունակական աճը: «Մենք ունենք մի իրավիճակ, երբ բոլորս համակերպվում ենք, որ սա այն շեմն է, այն նվազագույնն է, որից պետք է երկու ճանապարհ լինի: Մեկն այն է, որ բոլորս իսկապես ձգենք մեր գոտիները և աշխատենք այնպիսի արդյունավետությամբ, որ հիմքեր ստեղծենք զարգացման, տնտեսության աշխուժացման, աշխատատեղերի ստեղծման համար, և մյուսը`ձև անենք, թե դա ենք անում և յոլա գնալու, իշխանությունը շարունակելու մարտավարությամբ հանդես գանք»,- ասաց ՀՅԴ խմբակցության քարտուղարը:
Նա նշեց, որ զերծ կմնա գնահատականներից, իսկապես ժամանակ է պետք` հասկանալու` արդյոք ունա՞կ է մեր կառավարությունն այս նվազագույն հարթակից, այս շեմից երկիրը արմատական փոփոխությունների ճանապարհով տանել:
«Ինձ հետաքրքրում է, թե նվազո՞ւմ են գործադիրի և իշխանության` բիզնեսով զբաղվող ներկայացուցիչների եկամուտները: Սա էլ պետք է հետևություն անելու առիթ տա: Նույնիսկ այս պայմաններում` արդյունավետ կառավարման, հավասար պայմաններ ստեղծելու դեպքում մենք կարող ենք հաջորդ տարի ունենալ այլ ցուցանիշներ, մանավանդ` քաղաքական փոփոխությունների այս ֆոնին: Այդ պատճառով է, որ մենք վերջնական գնահատական չենք տալիս կառավարությանը, բայց ակնհայտ է, որ, իբրև խմբակցություն, կողմ չենք քվեարկելու այս բյուջեին»,- եզրափակեց Վարդանյանը:
Կարող ենք հաջորդ տարի ունենալ այլ ցուցանիշներ` քաղաքական փոփոխությունների այս ֆոնին
Հաջորդ տարվա բյուջեի նախագծի վերաբերյալ ելույթ ունեցավ ՀՅԴ խմբակցության քարտուղար Աղվան Վարդանյանը: Նա նախ նշեց`ցավալի է, որ բյուջեի քննարկման ժամանակ կառավարության ներկայացուցիչները բավականին սակավաթիվ են, ինչը խորհրդարանին մտածելու տեղիք պետք է տա: Վարդանյանի խոսքով` իրենք նախորդ քննարկումների ժամանակ էլ են իրենց գնահատականները տվել եկող տարվա բյուջեին:
«Եկող տարվա բյուջեն նախորդ տարվան բյուջեին կրկնող բյուջե է: Շատ համեստ, բացասական առումով աչքի ընկնող է, որը որևէ դրական զարգացում չի նախատեսում: Ընթացիկ ծախսերի և կապիտալ ծախսերի հարաբերակցությունը միայն, որի դեպքում 91 տոկոսը 9-ի հարաբերվում, արդեն ամեն ինչ ասում է:
Կան աշխարհաքաղաքական օբյեկտիվ իրողություններ, չենք կարող դրանք շրջանցել, բայց հարց է` ո՞ր մասն է կազմում դա, իսկ որ մասն է կառավարության անարդյունավետության, մեր ներքին ռեսուրսների անարդյունավետ օգտագործելու արդյունքը»,- ասաց ՀՅԴ-ականը` հավելելով, որ հենց այս հարցերը պետք է հետաքրքրեն կառավարությանն ու խորհրդարանին: Վարդանյանը նշեց, որ մտահոգիչ է արտաքին պարտքի շարունակական աճը:
«Մենք ունենք մի իրավիճակ, երբ բոլորս համակերպվում ենք, որ սա այն շեմն է, այն նվազագույնն է, որից պետք է երկու ճանապարհ լինի: Մեկն այն է, որ բոլորս իսկապես ձգենք մեր գոտիները և աշխատենք այնպիսի արդյունավետությամբ, որ հիմքերը ստեղծենք զարգացման, տնտեսության աշխուժացման, աշխատատեղերի ստեղծման և մյուսը`ձև անենք, թե դա ենք անում և յոլա գնալու, իշխանությունը շարունակելու մարտավարությամբ հանդես գանք»,- ընդգծեց ՀՅԴ խմբակցության քարտուղարը: Նա ասաց նաև, որ զերծ կմնա գնահատականներ տալուց: Վարդանյանի բնորոշմամբ` իսկապես ժամանակ է պետք` հասկանալու` արդյոք ունա՞կ է մեր կառավարությունը այս նվազագույն հարթակից, այս շեմից երկիրը արմատական փոփոխությունների տանող ճանապարհով տանել:
«Ինձ հետաքրքրում է, թե նվազո՞ւմ են գործադիրի և իշխանության` բիզնեսով զբողվող ներկայացուցիչների եկամուտները: Սա էլ պետք է հետևություն անելու առիթ տա: Նույնիսկ այս պայմաններում` արդյունավետ կառավարման, հավասար պայմաններ ստեղծելու դեպքում մենք կարող ենք հաջորդ տարի ունենալ այլ ցուցանիշներ, մանավանդ` քաղաքական փոփոխությունների այս ֆոնի վրա: Այդ պատճառով է, որ մենք վերջնական գնահատական չենք տալիս կառավարությանը, բայց ակնհայտ է, որ, իբրև խմբակցություն, կողմ չենք քվերակելու այս բյուջեին»,- եզրափակեց ՀՅԴ-ականը:
