Բունդեսթագը պատմական քվեարկության ընթացքում բանաձեւ ընդունեց Հայոց ցեղասպանության ճանաչման մնասին՝ դրանով հրավիրելով միջազգային հանրության ուշադրությունը ցեղասպանության ժխտման քաղաքականության մեջ ԱՄՆ նախագահ Բարաք Օբամայի շարունակական հանցակցության վրա: Այս մասին ասված է ԱՄՆ Հայ դատի հանձնախմբի հայտարարության մեջ:
Հայ դատի հանձնախմբի գործադիր տնօրեն Արամ Համբարյանը նշեց, որ այսօրվա քվեարկությունը ավելի է խորացնում Թուրքիայի մեկուսացումը: Նրա խոսքով՝ դեռ ժամանակ կա, որպեսզի Օբաման հետեւի Գերմանիայի օրինակին: