Մարտի 8-ը, մեծ հանդիսավորությամբ, Հայաստանի Հանրապետությունում առաջին անգամ նշվել է 1919 թ.-ին՝ անկախության հռչակումից հետո՝ հենց առաջին տարում։ 1918թ. Խորհրդարանական ընտրություններում հաղթում է ՀՅԴ-ն, ու որպես սոցիալիստական քաղաքական ուժ՝ արժևորում կանանց հավասար իրավունքը։
Ի դեպ, 1918 թ-ին, երբ դեռ Եվրոպայում կանայք պայքարում էին Ընտրելու իրավունք ունենալու համար, Հայաստանի Առաջին Հանրապետության խորհրդարանում կանայք Ընտրվում էին։
Անգամ՝ դեսպան նշանակվում։ Օրինակ ՀՀ դեսպանը Ճապոնիայում՝ կին էր։
Արթուր Եղիազարյան
Նոր սկիզբ՝ կրթված եւ երիտասարդ Հայաստան. Հայկուհի Նալբանդյան
David Hakobyan Գեղամ Մանուկյան
Posted by Yerkir Media on Monday, March 6, 2017
Հաղորդագրութիւն՝ Մարտ 8-ի առիթով
Այսօր 8 մարտն է` Կիներու միջազգային օրը: Հայ իրականութեան մէջ կիները հին ժամանակաշրջաններէն հիմնական դերակատարութիւն ունեցած են ո՛չ միայն ընտանեկան օճախի պահպանման մէջ, այլ նաեւ ազգային ինքնութեան կերտման եւ հասարակական-քաղաքական կեանքին մէջ: Կիներու դերակատարութիւնը մանաւանդ յատկանշական կարեւորութիւն ունեցած է Հայաստանի Ա. Հանրապետութեան կազմաւորման հոլովոյթին մէջ, որուն 100-ամեակը ազգովին պիտի նշենք յառաջիկայ տարի: Ունեցած ենք գործունեայ կին դեսպաններ, առաջին անգամ ըլլալով վերականգնած հայոց պետականութեան խորհրդարանի անդամ ընտրուած են կին ներկայացուցիչներ, որոնք իրենց կարողութիւններով ոչինչ զիջած են իրենց տղամարդ գործընկերներուն:
Այսօր մենք կը յիշենք, մեր ազգային-հասարակական կեանքին մէջ վաստակ ունեցող բոլոր կին ներկայացուցիչները, նոր սերունդներուն հայեցի դաստիարակութիւն ջամբող ուսուցչուհիները, Հայ Յեղափոխութեան թէ ազգային-ազատագրական պայքարի տարբեր փուլերուն իրենց նպաստը բերած կին հերոսները, ընկերութեան մէջ հայ կնոջ դերակատարութեան ընդլայնումին եւ ամբողջական հաւասարութեան համար գրիչ շարժած բոլոր յառաջադէմ կին գրողները եւ հայութեան ինքնապաշտպանութեան սուրբ գործին ճամբուն վրայ ինկած նահատակներուն մայրերը, որոնք համբերութեամբ կը տանին իրենց զաւակներուն կորստեան ցաւը:
Այսօր յարգանքի խօսք կ՛ուղղենք նաեւ իւրաքանչիւր հայ մօր, որ ճիգ չի խնայեր հայեցի դաստիարակութեամբ մեծցնելու իր զաւակները, իւրաքանչիւր աշխատաւոր հայ կնոջ, որ ընտանիք պահելու հեւքին մէջ ինքն ալ կը նետուի աշխատանքի ասպարէզ եւ կը բաժնեկցի նիւթական ծանր բեռը ներկայ ընկերային-տնտեսական ծանր պայմաններուն մէջ, եւ վերջապէս` իւրաքանչիւր հայ կնոջ, որ իր կամաւոր աշխատանքով կը նպաստէ հայ համայնքային եւ ազգային կեանքի յաւելեալ ամրապնդումին:
8 մարտը առիթ է ո՛չ միայն շնորհաւորելու հայ կիները, այլ նաեւ կանգնելու անոնց կողքին` ի Հայաստան, ի սփիւռս աշխարհի, բայց մանաւանդ լիբանանահայ գաղութին մէջ` ընկերութեան մէջ անոնց դերը աւելի եւս մեծցնելու նպատակով: ՀՅԴ 126-ամեակի տօնակատարութեան ընթացքին ՀՅԴ Լիբանանի Կեդրոնական կոմիտէն յայտարարեց լիբանանահայ գաղութի ազգային եւ հայեցի դիմագիծը ամրապնդել միտող ընկերային բնոյթի շարք մը հիմնադրամներու հաստատումը: Կը հաւատանք, որ Դաշնակցութեան ազգային եւ ընկերային արժեհամակարգէն բխող այս ծրագիրներու յաջողութեան մէջ մեծ դեր պիտի ունենան նաեւ կիները:
Կը շնորհաւորենք բոլոր հայ կիները` իրենց տօնին առիթով եւ անոնց կը մաղթենք յաւելեալ կորով` ազգի տան հիմերը ամրապնդելու աշխատանքին մէջ:
ՀՅԴ ԼԻԲԱՆԱՆԻ ԿԵԴՐՈՆԱԿԱՆ ԿՈՄԻՏԷ
