Սասունցի Դավիթ 13 շենքում քարաթափման դեպքի առաջին իսկ օրից Շիրակի մարզպետ Արթուր Խաչատրյանը, բնակիչների անվտանգությունով մտահոգ, կազմակերպեց նրանց վարձով բնակվելու արագ տեղավորման աշխատանքները: Չուշացավ նաև խնդիրը կառավարությունում բարձրացնելն ու կառավարության դրական արձագանքը: 43 միլիոն 940 հազար դրամ ու Արթիկի փլուզված շենքի ընտանիքների խնդիրը կլուծվի:
Սեպտեմբերի 15-ին Շիրակի մարզպետ Արթուր Խաչատրյանը բնակարանների գնման վկայագրեր հանձնեց շենքի 12 ընտանիքներին:
«Շնորհավորում եմ Ձեզ, մաղթում եմ երջանիկ բնակարանամուտ, ժամանակին կարողանաք բնակարաններ գտնել ու նորամուտ տոնել»,- վկայագրերի հանձման ժամանակ ասաց Շիրակի մարզպետը: Արթուր Խաչատրյանը լրագրողների հետ զրույցում նշեց, որ վկայագրերի գումարը հաշվարկվել է եռամսյակի ընթացքում համանման գործարքների միջինացված արժեքն հաշվի առնելով, այնպես որ բնակարան ձեռք բերելու համար պետական աջակցությունը բավականացնելու է բնակիչներին:
Նշենք, որ հինգ հատ մեկ սենյականոց, երեք հատ` երկու և չորս հատ 3 սենյականոց բնակարանի գնման վկայագիր հանձնվեց, որոնց արժեքը համապատասխանաբար կազմում է` 3մլն 42հազար, 3մլն 718հազար և 4մլն 394 հազար դրամ:
