Աշոտ Սիմոնյանի մոտ կայացավ քաղաքացիների ընդունելություն

Արագածոտնի մարզպետ Աշոտ Սիմոնյանի մոտ քաղաքացիների հերթական ընդունելությունը կայացավ օգոստոսի 17-ին: Մասնակցեց 28 քաղաքացի՝ Կոշ, Ապարան, Բյուրական, Ծաղկահովիտ, Կարբի, Օհանավան, Լեռնարոտ, Մաստարա, Նոր Եդեսիա, Ակունք, Կաքավաձոր, Ուջան, Թաթուլ, Պարտիզակ, Ղազարավան համայնքներից, Թալին եւ Աշտարակ քաղաքներից:

Մասնակիցներից 10-ը մարզպետին դիմեց առողջական, աշխատանքային, հողային, բնակարանային, սոցիալական եւ անձնական այլ հարցերով: Լսելով քաղաքացիներին՝ Աշոտ Սիմոնյանը դրանց ընթացք տալու համար համապատասխան հանձնարարականներ տվեց եւ պարզաբանումներ կատարեց:

Դիմումների մեծ մասը վերաբերում էր դրամական օգնություն ստանալուն, որոնք բավարարվեցին: Ընդհանուր առմամբ՝ դրամական աջակցություն ստացավ 18 քաղաքացի:

ԱՐԱԳԱԾՈՏՆԻ
ՄԱՐԶՊԵՏԱՐԱՆ

Տպել Տպել