Կառավարությունն ընդամենը 2000 աշխատատեղ կառաջարկի 280 000 գործազուրկներին: Այդ մասին է հայտարարել է ՀՅԴ խմբակցության պատգամավոր Արծվիկ Մինասյանը:

Ներկայացնելով կուսակցության տեսակետը՝ նա հայտարարել է, որ ՀՅԴ-ն դեմ է քվեարկելու 2014թ.-ի պետբյուջեի նախագծին:

Նա հավելել է, որ կառավարությունը չի համաձայնում չեղյալ համարել փոքր բիզնեսի հարկերը՝ արտոնագրված վճարումներ ու շրջանառության հարկ, որոնց ընդհանուր թիվը կազմում է 21 մլրդ դրամ: «Բյուջեի համար սա բավական փոքր գումար է: Մյուս կողմից այն կարող է փոհատուցվել աշխատատեղերի թվի աճով ու դրա հիման վրա հարկերի հավաքմամբ: Սակայն դուք չեք ցանկանում խթանել փոքր բիզնեսին, չեք ցանկանում ֆինանսապես ձեզանից անկախ մարդկանց խումբ ունենալ»,- հայտարարել է Արծվիկ Մինասյանը:

Նրա խոսքով՝ կառավարության առջեւ դրված նպատակները գործազրկության մակարդակը կարող են նվազեցնել միայն մեկ տոկոսով: «Այսինքն ծրագրվում է ստեղծել միայն 2000 աշխատատեղ: Եթե ցանկանում եք առաջարկել 280 000 գործազուրկներին, ապա պետք է միամիտ լինե, որպեսզի սոցիալական քաղաքականությունը հաջողված համարել»,- հայտարարել է Մինասյանը:

Նա նշել է, որ նախագծում եկամտահարկի տոկոսադրույք սահմանված 17,29 տոկոսը չի համապատասխանում արդեն օրինական նվազագույն 24,4 տոկոսին: «Սա դեռ հնարավոր էր հասկանալ նախկին եկամտահարկի ու սոցվճարումների դեպքում, սակայն ոչ հիմա: Իսկ դա նշանակում է, որ նույնիսկ չեք փորձել պայքարել ստվերային բիզնեսի դեմ, ինչն էլ վկայում է ձեր անպատասխանատու վերաբերմունքի մասին»,-հայտարարել է Ա. Մինասյանը:

news.am