Այս բարեգործական ակցիաից օգտվել են շուրջ 600 զոհված ազատամարտիկների ընտանիքների անդամներ, ովքեր անվճար բուժում են ստացել, վիրահատվել և բուժզննում անցել բժշկական կենտրոնում:
«Երևան» բժշկական կենտրոնի գլխավոր տնօրեն` բժիշկ-ազատամարտիկ Տարոն Տոնոյանը, գոհ է արդյունքներից և ուրախ , որ նույնիսկ արցախյան ազատամարտից այսքան տարի անց ինքը կարողանում է օգտակար լինել իր մարտական ընկերներին արդեն խաղաղ պայմաններում:
Այսօր Ազգային ժողովի ՀՅԴ խմբակցության անդամները այց էին կատարել հիվանդանոց, հանդիպելու` բուժանձնակազմին և նրանց օգնությանը դիմած քաղաքացիներին:
