ՀՅԴ Լոս Անջելեսի երիտասարդական միության անդամները Հայաստանի տարբեր մարզերում կազմակերպում են ճամբարներ տեղացի երեխաների համար:

Օրերս մեր գործընկերները Հանրապետության երկրորդ քաղաք՝ Գյումրիում էին: Նմանօրինակ ճամբար է նաեւ կազմակերպվել այստեղ:

Արդեն 7 տարի է՝ Հայաստանի տարբեր մարզերում կազմակերպում են այսպիսի ճամբարներ:

Երեխաներն այստեղ սովորում են հայրենասիրական երգեր, ապրում ճամբարային առօրյայով: Ամերիկայի արեւմտյան ափից հայրենիք ժամանած մեր հայրենակիցների միայն մի խումբն է Գյումրիում:

Մյուս մասը Մարտունիում է: Այս ծրագիրը կարեւոր է նաեւ նրանց համար: Երիտասարդներից շատերն անգամ հայերեն
չգիտեն, առաջին անգամ են հայրենիքում, բայց կարողանում են հաղթահարել փորձությունները: Ճամբարին 180 փոքրիկ է մասնակցում:

Նրանք բաժանվել են երեք խմբի: Այստեղ առանձնահատուկ ուշադրություն են դարձնում նաեւ խմբային աշխատանքին:

Այս ճամբարի ավարտից հետո երիտասարդները միանալու են Մարտունիի իրենց ընկերներին եւ մեկնելու են սահմանամերձ Բաղանիս:

Երիտասարդներն ասում են՝ տպավորված են: Հայրենիքում անցկացրած այս օրերի մասին նրանց կհիշեցնեն իրենց ճամբարական փոքրիկ ընկերների այս նամակները, որոնք պարտավորեցնում են խոստմանը հավատարիմ մնալ եւ հաջորդ տարի կրկին համախմբվել հայրենիքում:

yerkirmedia.am