Հռոմի Ֆրանցիսկոս պապի հայրենիք Արգենտինայի մայրաքաղաք Բուենոս Այրեսում հայ համայնքն ավելի քան 10 հազարանոց երթ է անցկացրել:
Հայերի երթին են միացել իրավապաշտպան կազմակերպությունների եւ քաղաքական կուսակցությունների անդամներ, մասնավորապես՝ մարդու իրավունքների ակտիվիստ, Խաղաղության Նոբելյան մրցանակակիր Ադոլֆո Պերես Էսկիվելը, Բուենոս Այրեսի օրենսդիրներից Պաբլո Ֆերեյրան եւ այլք:
Ակցիայի մասնակիցները երթով շարժվել են Արգենտինայում Թուրքիայի դեսպանի նստավայր եւ Հայոց ցեղասպանության 100-րդ տարելիցին արդարություն պահանջել:
Տարելիցի միջոցառումների շրջանակում բողոքի բազամահազարանոց երթ է անցկացվել նաեւ Արգենտինայի Կորդոբա քաղաքում: