Այսօր Համալսարանական կրթությամբ կանանց ասոցիացիան ՀՅԴ-ի հետ համատեղ անցկացնում էր սեմինար` «Քաղաքական կուսակցության դերը կանանց ակտիվության խթանման գործում» խորագրով: Սեմինարի մասնակիցները հանդես էին գալու ելույթներով, որին հաջորդելու էր հարցուպատասխանն ու առաջարկությունների փուլը:
Սեմինարի փորձագետներն էին ՀՅԴ Գերագույն մարմնի անդամ Լիլիթ Գալստյանը, Համալսարանական կրթությամբ կանանց ասոցիացիայի նախագահ, մանկավարժական գիտ. թեկ. Ջեմմա Հասրաթյանը, Համալսարանական կրթությամբ կանանց ասոցիացիայի փոխնախագահ, ՀՀ ԳԱԱ պատմության ինստիտուտի ավագ գիտաշխատող, պատմական գիտությունների թեկնածու, դոցենտ Լիլիթ Զաքարյանը և Համալսարանական կրթությամբ կանանց ասոցիացիայի պատասխանատու քարտուղար, կրթական ծրագրերի համակարգող Գայանե Մերոյանը:
