Թերթերից մեկն այսօր հերթական զառանցանքն է տպագրել ՀՀԿ-ՀՅԴ բանակցությունների մասին: Մասնավորապես` «Ժամանակ» թերթը գրել է, թե իբր ՀՅԴ-ում ՀՀԿ-ի հետ համագործակցության շուրջ վիճել են, զանգահարել նախագահի նստավայր եւ բացատրել, թե ներքին անհամաձայնության պատճառով համագործակցությունը կարող է չկայանալ:
Yerkir.am-ի հետ զրույցում ՀՅԴ ԳՄ ներկայացուցիչ Աղվան Վարդանյանը հրապարակված նյութը «ծայրեծայր սուտ եւ հակադաշնակցական զառանցանք» որակեց:
«Օրը գալու է, չէ՞: Հետո ի՞նչ են ասելու: Թեեւ անբարոյականությունն անսահման է: Էլի կմարազմեն: Բայց, իրոք, կուզեի, որ մի լուրջ վերլուծաբան քններ ԶԼՄ-ների վերջին շրջանի` Դաշնակցության մասին նյութերը: Վստահ եմ՝ ակնհայտ կդառնար, թե որտեղից են սնվում մի քանի լրատվամիջոցների /թերթ ու կայք/ թաքուն ու բացահայտ տերերը: Նաեւ պարզ կդառնար, թե ում ձեռնտու չէ Հայաստանում Դաշնակցության ազդեցության մեծացումը»,- հայտարարեց նա:
