Երեք նախարար, երկու մարզպետ
Նախագահ Սերժ Սարգսյանի հրամանագրով Դավիթ Լոքյանը նշանակվել է Տարածքային կառավարման եւ զարգացման նախարար, Լեւոն Մկրտչյանը՝ Կրթության եւ գիտության նախարար, Արծվիկ Մինասյանը՝ Էկոնոմիկայի նախարար:
yerkir.am
ՀՅԴ-ն հրապարակեց իր պաշտոնյաների անունները
Արդեն տեղեկացրել ենք, որ նախագահի նստավայրում ստորագրվել է ՀՀԿ-ՀՅԴ համագործակցության համաձայնագիրը: Լրագրողների հետ զրույցում ՀՅԴ ԳՄ ներկայացուցիչ Աղվան Վարդանյանն ասաց, որ պաշտոնների հարցն այս համագործակցության առաջնային հարցը չէ, բայց ամեն դեպքում հստակություն մտցրեց այս մասով էլ:
Այսպես, տարածքային կառավարման եւ զարգացման նախարար` Դավիթ Լոքյանը, կրթության եւ գիտության նախարար` Լեւոն Մկրտչյանը, էկոնոմիկայի նախարար կնշանակվի Արծվիկ Մինասյանը: Շիրակի մարզպետ կդառնա Հովսեփ Սիմոնյանը, իսկ Գագիկ Գյոզալյանը կնշանակվի Արագածոտնի մարզպետ:
yerkir.am
