Կանանց նվիրված ամենագեղեցիկ օրը` Մարտի 8-ը, նաեւ Եռաբլուրում գլխիկոր շրջող կանանց տոնն է:
Տարիներ առաջ իրենց ծաղիկներ նվիրող որդիների, հայրերի ու ամուսինների շիրիմներին այսօր կանայք են ծաղիկներ դրել:
Եռաբլուր զինվորական պանթեոնում էր նաեւ արցախյան ազատամարտի հերոս Դուշման Վարդանի՝ Վարդան Ստեփանյանի մայրը:
Ստեփանյանների տանն այսօր կնշեին Վարդանի 50-ամյակը, եթե չլիներ 1992-ի հուլիսի 3-ին Մարտունու շրջանի Նյուրիշեն գյուղի համար մղած մարտը:
Վարդանի ծննդյան օրը տոնելու համար Եռաբլուրում էին նաեւ նրա մարտական ընկերները, զինվորականներ, երիտասարդներ:
