ՀՅԴ Բյուրոյի անդամ, ՀՅԴ խմբակցության ղեկավար Արմեն Ռուստամյանն «Առաջին լրատվական»- ի հետ զրույցում անդրադարձավ նոր Ընտրական օրենսգրքի փոփոխություններին:
Նա գտնում է, որ շահագրգիռ բոլոր կողմերն անպայման ունենալու են դիտողություններ, բայց կարևորը վերջնարդյունքն է:
Տարիներ շարունակ ընտրացուցակների հրապարակման կողմնակից Դաշնակցությունը այսօր էլ պնդում է դրա անհրաժեշտության մասին. «Վենետիկի հանձնաժողովի թեթև ձեռքով է այս արգելքը դարձել անշրջելի մի խոչընդոտ»,- նշեց Ա. Ռուստամյանը:
Ընդդիմության կողմից ներկայացված հինգ կետերից, ըստ Ա. Ռուսատմյանի, մերժելի է համամասնական ընտրակարգի հետ կապված կետը: Նրա խոսքով՝ աշխարհում բաց ցուցակներով համամասնական ընտրություններն են համարվում ավելի ժողովրդավարական ընտրություն, ոչ թե փակ ցուցակներովը: Արմեն Ռուստամյանի կարծիքով՝ ընդդիմության առաջ քաշած պահանջների մի մասն, ըստ էության, կամակորության միտում ունեն:
Ըստ բանախոսի՝ ընդդիմությունն առնվազն երկու բանից պետք է խուսափի. առաջարկությունները չպետք է լինեն վերջնագրային տեսքով և չլինեն որպես վերջնական ճշմարտություն:
Ռուստամյանի խոսքով՝ շատ հարցեր կան, որոնք իսկապես քննարկելի են:
Արմեն Ռուստամյանը կարծում է, որ կարևոր է հասնել հնարավորինս լայն քաղաքական համաձայնության:
Մանրամասները՝ տեսանյութում: