Շարունակվում են ապրիլյան պատերազմում զոհված սպաների ընտանիքներին նյութական ու բարոյական աջակցություն ցուցաբերելու աշխատանքները:
Այդ առիթով մայիսի 6-ին ՀՕՄ-ի Արցախի մեկուսի մասնաճյուղի Ստեփանակերտի գրասենյակում էին զոհված զինծառայողների ընտանիքները, ուր մինչև 18 տարեկան թվով 24 երեխաների նվիրաբերվեց դրամական աջակցություն:
Հանդիպմանը ներկա էր նաև ԼՂՀ ԱԺ «Դաշնակցություն» խմբակցության անդամ Լեռնիկ Հովհաննիսյանը, հօմուհիներ արտասահմանից և Արցախից:
Զոհված սպաների ընտանիքի անդամները շնորհալություն հայտնեցին ցուցաբերված աջակցության ու ուշադրության համար:
Լեռնիկ Հովհաննիսյանը իր խոսքն ուղղելով զոհված զինծառայողների ընտանիքներին, շնորհավորեց ներկաներին Շուշիի ազատագրման 25-ամյակի, մայիսյան եռատոնի կապակցությամբ և նշեց. «Այդ տղաներն արդեն ֆիզիկապես մեզ հետ չեն, բայց դուք եք նրանց հիշատակը վառ պահողը» :
aparaj.am