Մարտի 28-ին կայացած աշխատանքային խորհրդակցությանը Արագածոտնի մարզպետ Աշոտ Սիմոնյանը կառուցվածքային ստորաբաժանումների ղեկավարներին հանձնարարեց հետեւողական լինել տարեկան աշխատանքային պլաններում նախատեսված ծրագրերի կատարման հարցում:

Հանձնարարվեց ամփոփել առաջին եռամսյակում այդ ուղղությամբ կատարված աշխատանքները, կատարել թվային վերլուծություն եւ այդ մասին եռօրյա ժամկետում ներկայացնել հաշվետվություն:

Խորհրդակցությանն ամփոփվեց գյուղատնտեսության, առողջապահության, կրթության, տեղական ինքնակառավարման մարմինների ոլորտներին առնչվող՝ պետական կառավարման մարմինների եւ մարզպետի կողմից տրված հանձնարարականների կատարման ընթացքը:

Նշվեց, որ համայնքներում գյուղատնտեսական աշխատանքներն ընթանում են բնականոն հունով: Ապրիլի 10-ից կսկսվի ոռոգման շրջանը, իսկ մինչ այդ մաքրվում, բարեկարգվում են ջրատար համակարգերը:

Քննարկվեցին նաեւ առաջիկա երկու ամսվա ընթացքում սանիտարական շաբաթօրյակներ կազմակերպելու, «Էկոհամակարգային ծառայությունների ինտեգրումը տեղական ինքնակառավարման մարմիններում» ծրագրի շրջանակում մարզի 4 համայնքում նորատունկ անտառային տարածքների պահպանման անհրաժեշտության հարցերը:

Այս եւ քննարկված այլ հարցերի վերաբերյալ Աշոտ Սիմոնյանը համապատասխան հանձնարարականներ տվեց:

aragatsotn.mtad.am