ՀՀ տնտեսական զարգացման և ներդրումների նախարար Արծվիկ Մինասյանը հուլիսի 19-ին հանդիպում է ունեցել «ԵՄ-Ասիա բիզնես ֆինանսական կենտրոն» հոլդինգի ներկայացուցիչների հետ։

Հանդիպմանը մասնակցել են նաև նախարարի տեղակալներ Ավագ Ավանեսյանն ու Ալբերտ Բաբայանը, այլ պատասխանատու անձինք։

Քննարկվել են «Նաիրիտ» գործարանի վերագործարկմանն առնչվող հարցեր։ Անդրադարձ է եղել գործարանում նախանշվող տեխնիկական աուդիտի անցկացմանը։

Նախարար Արծվիկ Մինասյանը կարևորել է բոլոր աշխատանքների թափանցիկ իրականացումն ու հանրային հաշվետվողականությունը։

Հոլդինգի ներկայացուցիչների հետ քննարկվել են նաև այլ ոլորտներում ներդրումներ իրականացնելու հնարավորությունները, մասնավորապես, խոսվել է գյուղատնտեսության, զբոսաշրջության, տեղեկատվական տեխնոլոգիաների, նորարարությունների բնագավառներում մի շարք ծրագրերի իրականացման մասին։

Հանդիպման ավարտին կողմերը ստորագրել են առևտրատնտեսական ոլորտում համագործակցության մտադրությունների մասին հուշագիր։

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՏՆՏԵՍԱԿԱՆ ԶԱՐԳԱՑՄԱՆ ԵՎ ՆԵՐԴՐՈՒՄՆԵՐԻ ՆԱԽԱՐԱՐՈՒԹՅՈՒՆ