Սումգայիթյան ջարդերի 25-ամյակին նվիրված միջոցառումներ Բրյուսելում

Belgia Փետրվարի 27-ին ՀՅԴ Բելգիայի Հայ դատի հանձնախումբն ու «Հայասա» հայ ուսանողների միությունը, ի հիշատակ սումգայիթյան ոճրագործության զոհերի, կազմակերպել էին բողոքի ցույց Բելգիայի Թագավորությունում Ադրբեջանի դեսպանատան առջեւ:

Ակցիային հաջորդեց ներկաների երթը դեպի Բրյուսելի կենտրոնական հրապարակներից մեկում տեղադրված Հայոց ցեղասպանության զոհերի հիշատակը հավերժացնող խաչքարը:

Հուշակոթողի մոտ Բելգիայում ՀՀ դեսպան Ավետ Ադոնցն ու ՆԱՏՕ-ում ՀՀ առաքելության ղեկավար Արմեն Եդիգարյանը, համայնքային կառույցների ներկայացուցիչների հետ միասին զետեղեցին ծաղկեպսակներ: Այնուհետեւ մատուցվեց ոգեկոչման արարողություն, որին հաջորդեց Բելգիայում ՀՀ դեսպանի ելույթը:

Մարտի 3-ին Բրյուսելի Սուրբ Մարիամ-Մագդաղենացի Հայ Առաքելական եկեղեցում մատուցվելու է պատարագ` նվիրված Սումգայիթյան նահատակների 25-րդ տարելիցին:

Տպել Տպել