ԵՐԵՎԱՆ (ՀՅԴ Մամլո դիվան) – Այսօր, հուլիսի 26-ին, ՀՅԴ «Քրիստափոր Միքայելյան» կենտրոնում, ՀՅԴ Հայաստանի Գերագույն մարմնի ներկայացուցիչ, ՀՀ ԱԺ ՀՅԴ խմբակցության ղեկավար Արմեն Ռուստամյանն ընդունել է Շվեդիայի դեսպան Դիանա Ճանսեյին։
Հայաստանում հավատարմագրված դեսպանը (նստավայրը՝ Թբիլիսի) Երեւան է այցելել մի շարք քաղաքական հանդիպումներ ունենալու նպատակով։
Արմեն Ռուստամյանը դեսպանին է ներկայացրել Դաշնակցության տեսակետները՝ ներքաղաքական զարգացումների եւ Հայաստան-Եվրոմիություն հարաբերությունների վերաբերյալ։
Դեսպանի փոխանցմամբ՝ Շվեդիան եւս շահագրգռված է Հայաստանի Հանրապետության հետ հարաբերությունները սերտացնելու։
Հանդիպման ավարտին երկուստեք պայմանավորվել են պարբերաբար կազմակերպել նման հանդիպումներ: