Հայաստանից, Արցախից, Լիբանանից, Միացյալ Նահանգներից եւ Արգենտինայից 21 երիտասարդ ուխտագնացության էր մեկնել Արեւմտյան Հայաստան:
ՀՅԴ երիտասարդական գրասենյակի ու «Արեւմտահայաստանի եւ Արեւմտահայության հարցերի ուսումնասիրության կենտրոնի» նախաձեռնությամբ կազմակերպված այցի ընթացքում նրանք եղել են Դերսիմում, Էրզրումում, Համշենում եւ այլ բնակավայրերում:
Մինչ այդ երիտասարդները միայն դասագրքերից գիտեին պատմական Հայաստանը։
Երիտասարդական գրասենյակի պատասխանատու Սարգիս Մկրտչյանի խոսքով, այս ծրագիրը մեկ բառով կարելի է կոչել հայրենաճանաչողական։
«Պետք է հասկանալ, որ Արեւմտյան Հայաստան այցելությունը բնությունը, եկեղեցիները տեսնելը չէ, այլեւ Ցեղասպանությունից հետո հայկական այդ հողերում այսօր ապրող հայերի հետ մտերմանալը, ովքեր կարողացել են գոյատեւել այդ պայմաններում»,- նշում է Սարգիս Մկրտչյանը։
Ուխտագնացությունից տպավորված են նաեւ երիտասարդները։ Նրանց խոսքով, պատմական Հայաստանի մասին գրքերում կարդացած եւ ծնողներից լսած պատմություններն էականորեն տարբեր են իրականությունից։
yerkirmedia.am
