Հունիսի 20-ին, Ստեփանակերտի «Սոֆիա» առևտրի կենտրոնի կինոսրահում, ՀՅԴ Արցախի Կենտրոնական կոմիտեի նախաձեռնությամբ տեղի ունեցավ Ջիվան Ավետիսյանի «Թևանիկ» հայ-լիտվական արտադրության գեղարվեստական ֆիլի պրեմերիան Արցախում:
«Թևանիկ»-ը դրամատիկական պատմություն է՝ բախկացած երեք մասից: Յուրաքանչյուր մաս պատմում է երեք պատանիների՝ Արամի, Աստղիկի և Թևանիկի մասին, որոնց պատանեկությունը ընդատել էր դաժան պատերազմը:
Ֆիլմի ցուցադրությանը ներկա էին Արցախի Հանրապետության նախագահ Բակո Սահակյանը, Արցախի թեմի առաջնորդ Պարգև արքեպիսկոպոս Մարտիրոսյանը, ՀՅԴ Արցախի ԿԿ ներկայացուցիչ Դավիթ Իշխանյանը, բարձրաստիճան պաշտոնյաներ, քաղաքացիներ:
Այս տարի «Թևանիկ»-ը ներկայացվել էր հեղինակավոր Կաննի կինոշուկայում, որի դիտմանը մասնակցել են աշխաչհահռչակ մարդիկ, պրոդյուսորներ:
Ինչպես իր խոսքում նշեց «Թևանիկ» ֆիլմի պրոդյուսեր Մասիս Բաղդասարյանը, այդ ֆիլմով նրանք ցանկացել են գեղարվեստական պատմության միջոցով աշխարհին ներկայացնել Արցախը:
Նա նաև տեղեկացրեց, որ արդեն պատրաստվում են մեկ այլ գեղարվեստական ֆիլմի՝ «Վերջին բնակիչ»-ի նկարահանումներին և հույս հայտնեց, որ «Թևանիկի»-ի ներկայացումը Կաննի կինոշուկային կօգնի նոր ֆիլմի համար միջոցներ հայթայթելու համար:
Մասիս Բաղդասարյանը շնորհակալություն հայտնեց Արցախի իշխանություններին և ՀՅԴ Արցախի Կենտրոնական կոմիտեին՝ ֆիլմի նկարահանումներին օժանդակելու համար:
aparaj.am
