ՈՒԱՇԻՆԿԹԸՆ.- Ամերիկայի Հայ Դատի յանձնախումբը կը տեղեկացնէ, թէ Միացեալ Նահանգներու Ներկայացուցիչներու տան Արտաքին յարաբերութիւններու յանձնախումբի ատենապետ Էտ Ռոյսի նախաձեռնութեամբ, Հինգշաբթի, Յունիս 26ին քննարկուած եւ քուէարկութեան դրուած՝ Թուրքիոյ մէջ կրօնական ազատութիւններուն առնչուող երկկուսակցական բանաձեւը (HR-4347), վաւերացուած է յանձնախումբին կողմէ, հակառակ զայն ձախողութեան մատնելու թրքական ջանքերուն։
Բանաձեւին նպատակն է երաշխաւորել Թուրքիա գտնուող քրիստոնէական մշակութային ժառանգութեան պաշտպանութիւնը եւ հազարաւոր քրիստոնէական եկեղեցիներու եւ եկեղեցական գոյքի վերադարձը:
Բանաձեւը Ռոյսի եւ քոնկրեսական Էլիըթ Էնկըլի կողմէ ներկայացուած էր Մարտին, իսկ անոր վաւերացումը ապահովելու համար, Ամերիկայի Հայ Դատի յանձնախումբը մօտէն գործակցած էր հայ կրօնապետներու եւ Ամերիկայի յոյն համայնքին հետ։
Ամերիկայի Հայ Դատի յանձնախումբի ատենապետ Քեն Խաչիկեան շնորհակալութիւն յայտնած է նշեալ քոնկրեսականներուն՝ այս նախաձեռնութեան համար, ընդգծելով, որ յոյն, ասորի եւ հայ փոքրամասնութեանց ներկայացուցիչները կ՛ողջունեն բանաձեւին վաւերացումը՝ զայն նկատելով Թուրքիոյ հասցէագրուած ազդու պատգամ մը:
Բանաձեւին մէջ Միացեալ Նահանգներու իշխանութիւններէն կը պահանջուի տարեկան դրութեամբ զեկոյց ներկայացնել Թուրքիոյ եւ գրաւեալ Կիպրոսի բռնագրաւուած եկեղեցիներու եւ կրօնական կալուածներու վիճակին, ինչպէս նաեւ անոնց վերադարձը ապահովելու աշխատանքին մասին:
Բանաձեւին իբրեւ հիմք ծառայած է քրիստոնէական տաճարներու պարտադիր վերադարձին մասին 2011ի Դեկտեմբեր 13ին վաւերացուած թիւ 306 բանաձեւը, որ օրին ներկայացուած էր Ռոյսի եւ Հաուըրտ Պըրմընի կողմէ:
Արեւմտեան Հայաստանի մէջ հայկական մշակութային ժառանգութեան ոչնչացումը կը շարունակուի Թուրքիոյ մէջ եւ մէկ օղակը կը հանդիսանայ սուլթանական, երիտթրքական, ինչպէս նաեւ քեմալական-հանրապետական վարչակարգերուն կողմէ գործադրուած՝ Հայկական Հարցը «լուծել»ու միտող քաղաքականութեան: Հակառակ հայկական յուշարձաններուն վերաբերեալ հոգատար ըլլալու թրքական իշխանութիւններուն կատարած բարձրաձայն յայտարարութիւններուն, Անգարա չէ դադրեցուցած հայկական յուշարձաններու ոչնչացումը կամ թրքացնելու փորձերը: Թուրքերուն կողմէ բռնագրաւուած հիւսիսային Կիպրոսի մէջ եւս քրիստոնէական ժառանգութիւնը ոչնչացնելու աշխատանքը կը շարունակուի։
asbarez.com
26/06/2014
Ամերիկայի հայերը, հույներն ու ասորիները ողջունում են Թուրքիայի քրիստոնեական եկեղեցիների մասին բանաձեւի ընդունումը
Ամերիկայի հայերը, հույների եւ ասորիների հետ միասին, ողջունել են Թուրքիայի քրիստոնեական եկեղեցիների մասին ԱՄՆ Կոնգրեսի Ներկայացուցիչների պալատի արտաքին հարաբերությունների հանձնաժողովի ընդունած բանաձեւը:
«Հայկական, հունական եւ ասորական ծագմամբ ամերիկացիները՝ ժառանգները նրանց, ովքեր 1915-1923թ.թ. Օսմանյան Թուրքիայում ենթարկվել են ցեղասպանության, ում եկեղեցիները շարունակում են մնալ թուրքական կառավարության գերին, միանում են բոլոր հավատքներից իրենց ընկերներին՝ ողջունելով Թուրքիայի քրիստոնեական եկեղեցիների մասին բանաձեւի ընդունումը»,- հայտարարել է Ամերիկայի Հայ դատի հանձնախմբի ատենապետ Քեն Խաչիկյանը:
Նրա խոսքով, բանաձեւի ընդունումը հզոր ազդանշան է ուղարկում Անկարային՝ կոչ անելով դադարեցնել հակաքրիստոնեական քաղաքականությունը եւ համակերպվել հայերի, ասորիների, կիպրացիների, պոնտացիների եւ Թուրքիայի անպատիժ հանցագործությունների մյուս զոհերի առջեւ բարոյական, նյութական եւ իրավական պարտավորությունների հետ:
