ՀՅԴ Լիբանանի Զավարյան ուսանողական եւ երիտասարդական միության անդամները Կոտայքի մարզում ճամբարներ են կազմակերպում տեղացի երեխաների համար:
Ճամբարը Քանաքեռավանում մի քանի օր առաջ է սկսվել: Երեխաները բաժանվել են երկու խմբի: Դրանցից մեկում օրը սկսվել է լեռնագնացության մասին դասով:
Միգուցե երեխաներից շատերը մի օր կցանկանան լեռնագնաց դառնալ. գիտելիք պաշարել է պետք: Մյուս խմբում էլ սովորում են հայրենասիրական երգեր:
Տպավորված են նաեւ Լիբանանից հայրենիք ժամանած խմբապետերը: Հաճույքով են աշխատում փոքրիկների հետ:
