Այսօր Հայ Յեղափոխական Դաշնակցությունը ավագանու քարոզարշավ էր անցկացնում Դավթաշենի վարչական շրջանում:
Դաշնակցության ցուցակը գլխավորող Արմեն Ռուստամյանը Աղվան Վարդանյանի եւ իր մյուս թիմակիցների հետ շրջեց Դավթաշենի փողոցներով՝ ներկայացնելով բնակիչներին իրենց քարոզչական նութերը:
«Մեր պարագայում մենք կարծում ենք, որ ընդդիմադիր քաղաքապետը իսկապես կարող է փոխել երկրում իրավիճակը։ Համապետական ընտրությունների ժամանակ շատ դժգոհ զանգված կար, որը փոփոխություն չկարողացավ իրականացնել նախագահի փոփոխության միջոցով: Դա հնարավոր է անել ընդդիմադիր քաղաքապետ ունենալով եւ փոխելով քաղաքապետին»,-ասում է Արմեն Ռուստամյանը:
«Մեր հիմնական նպատակն է մեր ընտրողների գիտակցությանը հասցնել ընտրությունների նշանակությունը, քաղաքական նշանակությունը, նաև թույլ չտալ, որպեսզի նվազեցվի այս ընտրությունների քաղաքական դերը, որ մտածեն, թե գյուղում գյուղապետ են ընտրում, քաղաքում քաղաքապետ, որը պետք է միայն զբաղվի իրենց կենցաղասպասարկման հարցերի լուծումով»,- ասաց ՀՅԴ ԳՄ անդամ, քաղաքապետի թեկնածու Արմեն Ռուստամյանը:
Նա նշեց, որ այս ընտրությունները պետք է կապել երկրի բարեփոխումների գործընթացի հետ: Նրա կարծիքով, միայն ընդդիմադիր քաղաքապետը կարող է փոխել իրավիճակը երկրում:
«Դժգոհ շատ զանգված կար, որ չկարողացավ դա իրականացնել նախագահ փոխելու միջոցով, սակայն դա հնարավոր է անել ընդդիմադիր քաղաքապետ ունենալով և փոխելով քաղաքապետին»,- ասաց քաղաքապետի թեկնածուն:
Արմեն Ռուստամյանը նաև նշեց, որ այս ընտրությունները պետք է վերածել իշխանության անվստահության հանրաքվեի. «Քաղաքացիները պետք է ոչ ասեն իշխանություններին և այո ասեն ըննդիմադիր քաղաքական ուժին` ՀՅԴ-ին, որն ունի իր հստակ նպատակները»:
Արմեն Ռուստամյանի խոսքով, պետք է իրականացնել համալիր փոփոխություններ, որպեսզի երևանցին կարողանա մասնակից դառնալ իր իսկ քաղաքի խնդիրների լուծմանը:
