ԱԺ ՀՅԴ խմբակցության ղեկավար ղեկավար Արմեն Ռուստամյանի հարցազրույցը tert.am-ին

-Պարո՛ն Ռուստամյան, Կուտակայինի մասին նոր նախագիծը ի՞նչ հիմնական խնդիրներ է լուծելու:

– Երեք հարց է լուծում. պարտադիրի խնդիրն է լուծում, գումարները, որոնք գործատուների մոտ են, դրանց վերադարձնելու խնդիրն է լուծում, գումարները, որոնք փոխացվել են կառավաիչներին՝ հիմնադրամներին, այդ գումարների ճակատագրի խնդիրն է լուծում: Մերը ավելի հստակ է, որ այդ գումարները պետք է վերադարձվեն:

– Կառավարությունը համաձա՞յն է վերադարձելիության հետ:

– Ըստ էության, ասում են, որ իրենք համաձայն են, որ պետք է փոխվի էս պարտադիրի բաղադրիչը պետք է հանվի, ինչը նշանակում է, որ իրենք այս կամ այն կերպ պետք է լուծում գտնեն, բայց ամենայն հավանականությամբ, իմ տպավորությունն այն է, որ կուտակելը կպահպանվի որպես այդպիսին, բայց դա պետք է լինի կամավոր սկզբունքով:

– Կամավոր հարկադի՞ր այսինքն:

– Ներողություն, շատ երկրներ կան, որտեղ կուտակայինը կա և այնպիսի պայմաններ են առաջարկում, որ դա գայթակղիչ է աշխատողի համար. ԱՄՆ , տարբեր տեղերում այնպիսի պայմաններում առաջարկներ են արվում, որ այդ ձևով լավ է թոշակը կուտակելը: Սա շատ նորմալ է, որևէ խնդիր չկա:

– Հովիկ Աբրահամյանը ասաց, որ դա լինելու է պարտադիր, բայց ոչ պարտադրված, այս բառախաղից ի՞նչ հասկացաք:

– Անհասկանալի է: Դա նույն .. նման լղոզված իրավիճակ եղավ, երբ Սահմնադրական դատարանը նման որոշում կայացրեց, եթե հիշում եք՝ «պարտադիրը պահպանվում է, բայց կարող եք չմուծել»։ Այսինքն՝ միշտ տրամաբանությունը պետք է արժեք լինի, մանավանդ, իրավաբանական ձևակերպումներում, երկակի մեկնաբանությունների տեղ չպետք է թողնել: Հիմա, տպավորություն է, որ իրենք են նույն միջանկյալ քայլերը փորձում իրականացնել, ընդհանրապես, վերջում պարտադիրը հանելու ուղղությամբ: Սա է: Հակառակ պարագայում սա էլ չէին անի, բայց, թե ինչ լուծումներ կհաջողվի հանել, տարբեր մոտեցումներ կան, իմ կարծիքով՝ էդ մոտեցումն էլ կարող է գործել, որ կուտակվի, պահպանվի դա, բայց այնպես լինի, որ պետությունն ինքը գայթակղիչ դարձնի դա: Եթե գայթակղիչ է, մարդը պետք է համաձայնի, որ դա ճիշտ է իր համար, ինքը պետք է որոշի, ոչ թե իր փոխարեն:

– Քառյակի նիստին Հովիկ Աբարահմյանի մասնակցելը, նոր երևույթ էր, ինչպե՞ս եք գնահատում:

– Նորմալ եմ համարում, դեռևս այն կապերը, որ կա ԱԺ-ում, բնական է, չի կտրել, փորձում է օգտագործել, որը ես շատ դրակական եմ համարում, եթե էսպես աշխատենք, ի վերջո, որևէ թաքուն բան չկա, եկավ պարոն Աբրահամյանը հենց էն ժամանակ, երբ մենք հենց կուտակային խնդիրն էինք քննարկում: Եվ քառյակը պետք է որոշեր՝ ինչ անել, և իր հետ այսպես … ոչ հրապարակային քննարկումներից հետո շատ ավելի պարզ դարձավ, թե ինչ մտադրություն ունի կառավարությունը: Ինչը մեզ համար էր կարևոր, քառյակի քայլերը ավելի համաձայենցված ուղղորդելու համար: Ու այն, ինչ արվել է, արվել է մեզ հետ խորհրդակցությունների արդյունքում: Նախագիծը, որ իրենք ներկայացրել են, նախ, հիշում եք՝ վարչապետի հետ հանդիպում եղավ, հանդիպումից հետո իրենց հետ աշխատանքային կարգով աշխատել ենք, մեր դիտողություններն ենք անել: Եվ, այնուամենայնիվ, հանգել են այդ եզրակացության: Կարծում եմ, որովհետև ավելին անել հնարավոր չէ, քանի որ կան ինչ-որ պարտավորություններ դրսի հետ կապված…

– Հովիկ Աբրահամյանը, երբ եկավ ԱԺ նախագահ, առաջին բանը, որ հայտարարեց ԱԺ դերի բարձրացումն է, հիմա եթե այնպես անի, որ քառյակին, «Դ!ԵՄ ԵՄ»-ի տղաներին ու հասարակությանը բավարարի, ըստ Ձեզ, կբարձրացնի՞ նաև կառավարության դերը:

– Իհարկե, եթե քայլեր կատարեն, որոնք մտահոգում են հասարակությանը և դրանք հանվեն, ապա, անպայման կբարձրանա: Սա է ժողովրդավարության դերը ընդհանրապես, որ գործադիրը կարողանա հետադարձ կապով աշխատել հասարակության հետ:

– Ի՞նչ տպավորություն ունեք՝ արդեն բազմաթիվ նախարարներ են նշանակվել, ի՞նչ տպավորություն ունեք՝ նոր կառավարությունը փորձելո՞ւ է ավելի լավը լինել, քան նախորդը:

– Մեր գնահատականները պայմանավորված չեն անձերով, մենք ի սկզբանե նույնն ենք ասել, պահպանում ենք մեր մոտեցումը, մեր համար կարևորը քայլերն են, որոնք երաշխավորված կիրականացվեն երկիրն այս վիճակից դուրս բերելու ուղղությամբ: Դա պարփակված է մեր 7 կետերի՝ առաջարկների մեջ: Դրանով ենք գնահատելու, ոչ թե՝ այս մարդը բոյով էր, կարճ էր, դեմքը , դիմագիծը: Նույն քաղաքական ուժն է, ի վերջո, որի մեջ փնտրել ինչ-որ տարբերություններ՝ անձերով պայմանավորված … պետք է տեսնել՝ ուղղությունը փոխվո՞ւմ է, թե ոչ:

– Այդ դեպքում՝ «Հովիկ Աբրահամյանն էլ Տիգրան Սարգսյանն է» կարող ենք ասել:

– Նույնը չէ, արդեն կուտակայինի հետ կապված տարբերություն կա, չէ՞»: Ի վերջո, մեզ էին չէ՞», ասում, որ քառյակը անգրագետ էր, որ նույն հարցերն էր բարձրացնում, բայց բացատրում էինք, որ քաղաքականությո՛ւնն է պետք է փոխել: Մեզ համար կարևորը՝ քաղաքականությունը փոխվի:

– ԱԺ նախագահի թեկնածու առաջադրելո՞ւ եք՝ քառյակից:

– Չեմ կարող ասել քառյակի անունից, մենք չենք առաջադրելու, չենք էլ մասնակցելու քվեարկությանը: Մենք դեռևս այս ԱԺ–ի գումարման առաջին նստաշրջանում, երբ ձևավորվում էին մարմինները, նախագահ, տեղակալներ, մենք դեռ այդ ժամանակ ասացինք, որ չենք մանակցելու ձևական միջոցառումների, որտեղ ամեն ինչ կանխորոշված է: Իսկ այստեղ, կասկած չկա, որ ԱԺ նախագահի քվեարկության արդյունքները կանխորոշված են: Եվ Դաշնակցության դիրքորոոշումն այստեղ որևէ բան չի փոխելու: Իսկ քառյակը դեռևս միասնական դիրքորոշում չունի այս հարցով, տեսակետները փոխանցել ենք մեկը մյուսին, կորոշվի, եթե բոլորը կգան ինչ-որ եզրակացության, հարց չկա:

-Գալուստ Սահակյանը կկարողանա՞ շարունակել ԱԺ –ի դերի բարձրացման քաղաքականությունը:

– Գալուստ Սահակյանը փորձառություն ունի, երկու կարևոր հատկանիշ կա, չեմ ուզում սկսենք վատատեսությամբ և երկրորդ հատկանիշը՝ հարթելու գրեթե անհնարին թվացող տարաձայնությունները, իսկ սա իսկապես փոխոսում է քաղաքական գործչի երկարամյա փորձի մասին:

tert.am