Ավստրալիայի ամենախոշոր՝ Նոր Հարավային Ուելս նահանգի կողմից Ղարաբաղի անկախության ճանաչումից անմիջապես հետո ակտիվացան խոսակցություններն այն մասին, որ այս տարի Ղարաբաղի անկախությունը կճանաչի նաև Ուրուգվայը: Խոսակցություններից երկար ժամանակ չանցած` այս օրերին Հայաստանում են Ուրուգվայի Արևելյան Հանրապետության Ներկայացուցիչների պալատի նախագահ Խորխե Օռիկոն և նրա գլխավորած պատվիրակությունը՝ Ուրուգվայի խորհրդարանի բոլոր խմբակցություններիներկայացուցիչները, Ուրուգվայում ՀՀ դեսպան Վահագն Մելիքյանը և Ուրուգվայի ՀՅԴ Հայ դատի գրասենյակի ներկայացուցիչները: Նրանք հանդիպումներ են ունեցել ինչպես Արցախում, այնպես էլ Հայաստանում՝ խոսելով Ղարաբաղի անկախության հնարավոր ճանաչման մասին:
«Առաջին լրատվական»-ի հետ զրույցում պատվիրակության անդամ, Ուրուգվայի ՀՅԴ Հայ դատի հանձնախմբի ներկայացուցիչ Արփի Հոչաչանյանն ասաց, որ Ղարաբաղում բոլոր հանդիպումները շատ հաջող են անցել, բարձր կարգի ընդունելություն է ցուցաբերվել Ուրուգվայից Հայաստան ժամանած պատվիրակությանը, իսկ հանդիպումներից իրենց մեծ գոհունակություննեն հայտնել Ուրուգվայի խորհրդարանի նախագահ Խորխե Օռիկոն և նրա հետ ժամանած պատգամավորները:
Ըստ Ա. Հոչաչանյանի՝ այցը կրում էր ճանաչողական բնույթ, այսինքն՝ այն Հայաստանի, ԼՂ-ի մասին տեղեկություններ քաղելու նպատակ էրհետապնդում: «Պատվիրակները եկան, որպեսզի վերադառնալուն պես իրենց տեսակետները հայտնեն, և շարունակվի այն գործունեությունը, որը Հայ դատի գրասենյակը սկսել է Ուրուգվայի կառավարությունում և խորհրդարանում: Երբ Օռիկոն ստանձնեց խորհրդարանի նախագահի պաշտոնը, հաջորդ օրվանից սկսեցինք իր հետ աշխատել Ուրուգվայի կողմից Ղարաբաղի ճանաչման գործընթացն ավարտին հասցնելու նպատակով: Ծրագիր մշակվեց Հայաստան գալու, իսկ այսօր արդեն կապեր հաստատվեցին ՀՀ կառավարության հետ, և ծրագիրն ամբողջացվեց նաև դեսպան Վահագն Մելիքյանի հետհամատեղ գործունեության արդյունքում»,- մանրամասնեց Ուրուգվայում Հայ դատի գրասենյակի ներկայացուցիչը՝ հավելելով, որ Հայ դատի գրասենյակն Ուրուգվայում շատ ավելի վաղ էր սկսել աշխատել Ուրուգվայի կողմից Ղարաբաղի անկախության ճանաչման հարցում:
Նա պարզաբանեց, որ ժամանակին Ուրուգվայում Հայ դատի հանձնախումբը սկսել էր մշակված ծրագրի վրա աշխատել, որը բավականին գոհացնող է: Նա միաժամանակ հստակեցրեց, որ նպատակն իրականացնելու համար դեռ կես ճանապարհ կա անցնելու, բայց հուսով են՝ որոշ ժամանակ անց կկարողանան հաջողությամբ պսակել սկսած գործը:
Արփի Հոչաչանյանի խոսքով` հույս է տալիս այն, որ աշխատում են Ուրուգվայիկառավարության և խորհրդարանի ներկայացուցիչների հետ, որոնց տրամադրվածությունը այս գործընթացի հանդեպ դրական էևՀայ դատի գրասենյակի ներկայացուցիչներին հույս է տալիս` մտածելու, որ գործընթացը հաջողությամբ կպսակվի:
Հարցին, թե ինչի՞ց է կախված այս գործընթացի հաջողությունը՝ նա պատասխանեց. «Ուրուգվայի խորհրդարանը չորս կուսակցություններից է կազմված, որոնք բոլորը պետք էհամապատասխան իրենց կարծիքը հայտնեն` հաջողության հասնելու համար: Այդ գործընթացը դեռ ավարտված չէ, այն ընթացքի մեջ է: Ուրուգվայի կողմից Ղարաբաղի անկախությունը կճանաչվի, երբ Ուրուգվայի կառավարության անդամները, խորհրդարանականներն իրենք համոզված լինեն, որ Ղարաբաղը պետք է ընդունեն իբրև ազատ, անկախ պետություն»:
Ուստի դա իրագործելու համար Ուրուգվայի Հայ դատի հանձնախմբի ներկայացուցիչները, վերադառնալով Ուրուգվայ, անմիջապես պետք է հանդիպումներ ունենան պատվիրակության անդամների և այլ խորհրդարանականների հետ հարցի վերաբերյալ նրանց կեցվածքը ըմբռնելու ու նրանց ճիշտ ուղղորդելու նպատակով: Ըստ Ա. Հոչաչանյանի՝ պետք է պատասխանատու անձանց դիրքորոշումներն ուղղորդեն ի նպաստ հայերի:
Հարցին, թե Ադրբեջանի արտգործնախարարության կողմից Ուրուգվային ուղղված բողոքի նոտան կարո՞ղ է որոշակի ազդեցություն ունենալ Ուրուգվայի կողմից Ղարաբաղի անկախության ճանաչման գործընթացի վրա՝ Ա. Հոչաչանյանը պատասխանեց, որ դա առաջին բողոքի նոտան չէր: «Ուստի գիտեինք, որ այս անգամ ևս Ադրբեջանը պետք է հայտարարություն տարածի և այդպես էլ արեց: Եթե նախորդ տեքստերը համեմատենք, կհասկանանք, որ նույնն են: Մենք վարժվել ենք դրան»,- եզրափակեց իր խոսքը Ուրուգվայում ՀՅԴ Հայ դատի հանձնախմբի ներկայացուցիչ Արփի Հոչաչանյանը:
Հիշեցնենք, որ Ադրբեջանի արտգործնախարարությունը երեկ բողոքի նոտա էր հղել Ուրուգվային՝ պաշտոնական պարզաբանումներ պահանջելով այդ երկրի իշխանություններից Ստեփանակերտում ուրուգվայցի պատգամավորների արած վերջին հայտարարությունների վերաբերյալ, որոնց համաձայն` հարավամերիկյան այդ երկիրը կարող է առաջինը ճանաչել Լեռնային Ղարաբաղի անկախությունը:
«ԱՌԱՋԻՆ ԼՐԱՏՎԱԿԱՆ»